منتدى العرب لكل العرب


    أهــــــــل الجنــوب

    شاطر

    طير شلوى

    ¤° مستشارالمنتدى °¤


    عدد الرسائل : 138
    الدولة :
    المزاج :
    تاريخ التسجيل : 12/11/2008

    أهــــــــل الجنــوب

    مُساهمة من طرف طير شلوى في الجمعة ديسمبر 12, 2008 12:05 am

    قصيدة ( أهل الجنوب )
    واعيني اللي كل ماذعـذع مـن الغربـي هبـوب
    ..........يحلا لهـا لـون الغـروب اللـي يـذوب قبالهـا


    ويا ويل حالي كل ما يحـلا لهـا لـون الغـروب
    ..........تطـري لـي الريـم اللعـوب وسالفـة ترحالهـا


    وياجرّ قلبـي كـل مـا تطـري الريـم اللعـوب
    ..........حرّمت أمد ايدي على حاجة وأنا مـا اقـوى لهـا


    من سافرت ريم الغلا صدّيت عـن كـل الـدروب
    ..........ماهـو قصـور بالعـذارى, بـس ذيـك لحالهـا


    من فارقتني ما خطف قلبي مـن الحـور محبـوب
    ............ولا لقيـت الجـادل اللـي تستحـق أحيـا لـهـا


    لان القلوب إن ما وفت لأحبابهـا ماهـي قلـوب
    ..........والعشرة اللـي ماتـرد الـروح مـا نسعـى لهـا

    أما الوفاء اللي يستر الرجّـال مـن كـل العيـوب
    ..........والا الجفاء اللي يستر عيوب العـرب ف رجالهـا


    مـا أقسـى مــن فــراق أهــل الجـنـوب
    ..........ويلي على اللي كـل مـا تزعـل تشـد رحالهـا


    اللي مذيّرها العتب.. لا شبّـت بصـدري شبـوب
    ...........عيّيـت أراضيهـا وهـي عيّـت تطـول بالـهـا


    كانت معي مثل النصيب يحدّني مـن كـل صـوب
    ...........كانت دروبـي مـن متاهـات الضلـل.. لظلالهـا


    كانت هروبي لا شعـرت إنـي بحاجـة للهـروب
    ...........كانت سماي اللي ليا ضاقـت علـيّ ألجـا.. لهـا


    ليه اتحداني وأنـا فـي كـل الأحـوال مغلـوب ؟
    ...........ليـه حرمتنـي مـن قهـر عـذالـي وعذالـهـا


    ليـه اتجاهلنـي وأنـا مانـي جبـان ولا كـذوب
    ...........ليه ارخصـت دمعـي وأنـا مـا بكيـت إلا لهـا


    ما ترحم اللي له سنه كنّه علـى النـار محطـوب
    ...........مـا هزهـا دمـع الفقيـد اللـي بكتـه أطلالهـا


    ما خافت تهدْم السنين اللي بنتنـا طـوب طـوب
    ...........ما فكـرت تشفـق علـى حالـي وترحـم حالهـا


    قولوا لها لـو مـا تـذوب أنـا بخليهـا تـذوب
    ...........قولوا لها لو ما عنـت لـي مستعـد اعنـا لهـا


    اليا ادمحت لي هالخطا بدمـح لهـا كـل الذنـوب
    ...........وإن جابت الحسنة معـي تبشـر بعشـر أمثالهـا


    افرش لها صدري وطن واجمع من ضلوعي شعوب
    ..............وارقـى لهـا مكانـة محـد قـدر يرقـى لـهـا


    إن كانّي مخطي فأنـا مانـي خلـيّ مـن العيـوب
    ...........الذنـب يغفـر والبشـر تجـزا بقـدر أعمالهـا


    البعد قاسي والفـراق يضيّـق الصـدر الرحـوب
    ...........وأنــا تعـبـت أدور الحيـلـه وارد احتالـهـا


    قولوا لها ترجع ترى ماني على البعـد مغصـوب
    ...........وإلا تـرى نـذرٍ علـيّ أنـه مهـوب أشوالهـا


    أمـا تجنّـب هالهبـال وتتـرك البعـد وتـتـوب
    ..........والا بتبشـر بالهبـال اللـي مـا هـوب هبالهـا


    كافي زعل ترى الظروف مقفّلة مـن كـل صـوب
    ..........وأنا حملـت مـن الهمـوم أنواعهـا وأشكالهـا


    يكفيني أني كل ما هبـت علـى صـدري هبـوب
    ...........تحـنّ عينـي للجـنـوب وتلتـفـت بلحالـهـا


    والمشكلة أني كـل مـا حنّـت عيونـي للجنـوب
    ...........تطـري لـي الريـم اللعـوب وسالفـة ترحالهـا


    وعز الله إني كل ما تطـري لـي الريـم اللعـوب
    ............حرمت أمد ايدي علـى حاجـة مـا أقـوى لهـا

    القصيده للشاعر ( حامد زيد )
    avatar
    scorpionjor
    ..
    ..

    عدد الرسائل : 576
    العمر : 39
    الدولة :
    تاريخ التسجيل : 10/11/2008

    رد: أهــــــــل الجنــوب

    مُساهمة من طرف scorpionjor في الجمعة ديسمبر 12, 2008 12:09 am

    شكرا لك على هدا المجهود الرائع
    يعطيك الف عافية
    تحياتي لك
    scorpionjor


    _________________
    Dream What You Want To Dream
    Go Where You Want To Go
    Be What You Want To Be
    Because You Have Only One Life
    And One Chance To Do
    All The Things You Want To Do
    ScorpionJor
    avatar
    صابر الفولى

    ¤° كاتب °¤


    عدد الرسائل : 90
    العمر : 99
    الدولة :
    تاريخ التسجيل : 07/12/2008

    رد: أهــــــــل الجنــوب

    مُساهمة من طرف صابر الفولى في الجمعة ديسمبر 12, 2008 10:17 pm


    كلمات ليست كالكلمات
    مشكور اخى الحبيب لشعرك المتدفق عذوبة واحاسيس
    بارك الله فيك ياغالى

    avatar
    Red Rose

    ¤° وردة المنتدى °¤


    عدد الرسائل : 183
    العمر : 30
    الدولة :
    المزاج :
    تاريخ التسجيل : 28/11/2008

    رد: أهــــــــل الجنــوب

    مُساهمة من طرف Red Rose في السبت ديسمبر 13, 2008 2:16 pm


    كلمات شرحت روح انسان مرهف الاحساس
    تحياتي لك يا غالي المنتدى
    Red Rose
    avatar
    THEVK

    ¤°  طيرفي السرب  °¤<


    عدد الرسائل : 25
    العمر : 36
    الدولة :
    المزاج :
    تاريخ التسجيل : 21/12/2008

    رد: أهــــــــل الجنــوب

    مُساهمة من طرف THEVK في الإثنين ديسمبر 22, 2008 1:02 am

    آآآآآآآآآآآآآآآآآهههههههههه

    ليه بس كده ليييييييييه يا طير شلوى والله حرام عليك فز قلبي من بين

    حناياه ليييه تدخلني منتدي تذكر به الريم ريم الجنوب والله حرام عليك

    والله إنك رسمتها رسم ما أدري أقتلك ولا أبوس راسك و لا أعمل فيك إيه

    عموماً ربي يسامحك و تسلم إنك قلبت المواجع ياشيخ خليتني أبكي أنا

    أكتب ودموعي تذرف خلاص خلاص تسلم دوم

    آآآآآآآهه مع حبي..........................
    Crying or Very sad Crying or Very sad

      الوقت/التاريخ الآن هو الإثنين أغسطس 20, 2018 12:41 am